Zirə Neftçi`ni penaltilər seriyasında məğlub edərək tarixində ilk dəfə Azərbaycan Kubokunun finalına yüksəlib.

ONBİR qalib tərəfin baş məşqçisi Rəşad Sadıqovun açıqlamalarını qol.az saytına istinadən təqdim edir:

“İlk dəfə finalda çıxış edəcəyik. Futbolçularımı və azarkeşləri təbrik edirəm. Maraqlı, gərgin oyuna şahid olduq. Əsl kubok ab-havası var idi.

Hər iki komanda taktiki mübarizə apardı. Qol epizodları çox olmadı. Zirə azarkeşlərini, rəhbərliyini təbrik edirəm. İlk matçdakı ssenarinin davamına hazırlaşırdıq. 50-55-ci dəqiqədən sonra üstünlük rəqibə keçdi, topa nəzarəti itirmişdik. 5-3-2-dən 5-4-1 sisteminə keçdik. Ondan sonra komanda sanki nəfəs aldı, daha rahat oynamağa başladı. Oyunda gah bu, gah digər komanda üstün olurdu. Hər iki komanda qələbəyə layiq idi”.

Urfan Bəşirov Bakı Dövlət Universitetinin Fizika fakültəsini bitirib. Hal-hazırda ixtisası üzrə çalışmır və hobisi olan redaktorluqla məşğuldur. Sırf bir kluba bağlı olmayan Urfan EPL oyunlarını izləməyi çox sevir. Ən sevimli oyunçusu Cristiano Ronaldo`dur.